UMbali Ngiba uwisa ibhomu ngezigemegeme ezamehlela kuMkhokha

Obengumlingisi emdlalweni kamabonakude obudla ubhedu, uMkhokha – The Curse uMbali Ngiba usededele ibhomu ngobekwenzeka kuqoshwa iziqephu zawo. 

Useveze ukuthi kwakungasebenzeki ngesikhathi kuqoshwa lo mdlalo njengoba ozakwabo babengamphethe kahle.

Ekhuluma kwiPodcast i-Engineer Your Life noLungelo KM, uMbali — owayedlala indawo kaZodwa — uvele wahlanza iqiniso elibabayo. 

Lo mlingisi uthi waxhashazwa kakhulu kusukela ngosuku lokuqala kwaze kwaba yilapho kusongwa ukuqopha.

Ngokusho kukaMbali, ukusebenza kulo mdlalo bekungebona ubukhazikhazi. Kunalokho, kwakuyimpi ekhuba umoya yansuku zonke.

“Kukhona abalingisi abahlukumezanayo… Ngaxhashazwa laphaya. Kwakukubi ngempela. Nsuku zonke,” kusho le ntokazi.

Uchaze ukuthi kwakuthi ekupheleni kosuku azithole ehlezi emotweni yakhe ehlengezela izinyembezi.

Kodwa kwakuzodingeka abuye ngakusasa ekuseni esemamatheka, elungele ukuqhubeka nokuqopha.

“Besisebenza nabantu abazana nabaphathi… basho izinto ezimbi ngawe, futhi isiteshi sibakholwe ngaphandle kokuzwa uhlangothi lwakho,” kuqhuba yena.

Kodwa nakhu lapho izinto ziba nzima nakakhulu…

UMbali ngokwakhe uyaziwa ngokuba nochuku. Ngesikhathi ekwiThe Real Housewives of Durban, wake wasusa ukukhuluma.

• OLUNYE UDABA – Iyashuba eyoweScandal nobengumsizi wakhe

Lokhu kungemuva kwesigameko esenzeka eHotel Sky eSandton lapho abonakala elwisa unogada, ekhipha amazwi alumelayo.

Nokho wabuye waxolisa ngakusho kuleso siqephu kulandelwa ukusolwa akuthola.

• EZISHISAYO | Cofa lapha usithole kuWhatsApp