UMinnie uthi ‘gede’, abamjaje bazidelise ngokuzishadisa
U-Minnie Dlamini usephinde wazidonsela amehlo ezinkundleni zokuxhumana ngemuva kokuthi ebe sematheni ngempelasonto.
Usephinde wabelana ngomlayezo awufake kwi-Instagram Stories othi, “Ukuzichaza kungumsebenzi omningi kakhulu, ngicela ningahlulela nje.”
Lokhu kufike ngesikhathi abantu besaxoxa ngokudalula kwakhe izindleko zomshado wakhe, okubonakala sengathi ubengasafuni ukuwacacisa kabanzi.
Le ngxoxo yaqina ngemva kwengxoxo yakhe noThando Thabethe ku-947 FM, eyasabalala ngokushesha.
Ekhuluma ngomshado wakhe noQuinton Jones, ongumdidiyeli kumabonakude, u-Minnie Dlamini uthe wakhokha u-R1.5 Million ngalo mshado.
Ngesikhathi ebuzwa ukuthi ngabe wakhokhele wonke umshado yini, waphendula ngokuthi yebo.
Kodwa lapho ebuzwa ukuthi kungani umyeni wakhe engazange afake isandla, impendulo yakhe yaba mfushane: “Ngicela umbuzo olandelayo.”
Lokho kudale imibuzo eminingi emphakathini ngalo mshado wakhe osewaphela njengoba sebahlukanisa nje.
Abanye abasebenzisi benkundla bakuhumushe ngokuthi kungenzeka ‘wazilobola’ ngokwakhe.
Nokho, engxoxweni akazange akhulume nhlobo ngelobolo. Kubalulekile ukuhlukanisa ilobolo—okuvamile ukuxoxwa phakathi kwemindeni—nezindleko zokuhlela umshado.
Ngakho kusalokhu kungacaci kahle ukuthi lo R1.5 million kwakungowani.
- OLUNYE UDABA: ILesaka: yigama olaziyo, osangalethemba namanje
Nokho njengoba esematheni nje, u-Minnie Dlamini uthi akudizikizi nqulu futhi uthi abantu abaqhubeke bamjaje ngokufisa kwabo.
- EZISHISAYO| Cofa lapha usithole kuWhatsApp
