Kuvela okuxoshise uXaluva kwiSmoke & Mirrors

Umlingisi odumile, uZolisa Xaluva, obedlala indawo kasomabhizinisi emdlalweni we-e.tv, iSmoke & Mirrors, useshiyile kulo mdlalo. 

UXaluva, obedlala indawo kaCaesar kulo mdlalo owuchungechunge, uungene kuwo ngoMbasa. Lo mdlalo wangena esikhaleni se-Imbewu – The Seed. 

Imibiko yakamuva iveza ukuthi uXaluva waxoshwa kulo mdlalo. Akukhona ke okokuqala lo mlingisi exoshwa. 

IFinal Chapter Productions, okuyinkampani ekhiqiza iSmoke & Mirrors, ikuqinisekisile lokhu kwiSunday World, futhi yaveza ukumbonga, imfisela nokuhle ngekusasa lakhe. 

“Ngesikhathi kuqalwa ukusetshenzwa kwesizini entsha yeSmoke & Mirrors ophrojusa neFinal Cut Productions banquma ukuba kuhlukwane ngokuvumelana noZolisa Xaluva. 

“UZolisa ubeyinto enkulu kulo mdlalo ngendawao kaCeasar Ngonyama abeyidlala. 

“ Simfisela okuhle kodwa ngekusasa lakhe,”  kusho le nkampani esitatimendeni. 

Nango-2022 uXaluva, owayedlala indawo kaMalusi kwiGomora, waba nengxabano nophrojusa okwaholela ekutheni ashiye. 

Ngokusho kwabasebenza kulo mdlalo, uXaluva wayefuna izinto zenziwe ngezinga elifanele ngaso sonke isikhathi. 

Wayenganqeni ke nokusho uma ebona kukhona okungasenziwa ngendlela efanele. 

Kuthiwa lokhu kuzikhulumela kwakhe bekubuye kudale izingxabano nophrojusa nabanye abasemandleni. 

OLUNYE UDABA: Uzifake zazwela uKhuzani kobemsola ngomona

Kwesinye isikhathi ukuzikhulumela kwakhe bekubonwa ngokuthi ukuzikhukhumeza nokuzazisa.